ناخنوں کی ساخت شخصیت کے رازوں سے پردے ہٹاتی ہے

اہل دانش کو کسی انسان کی شخصیت جاننے اور سمجھنے کے لیے ناخن یا ہاتھ دیکھنے کی ضرورت نہیں ہوتی اہل دانش کا انسان کی آنکھوں میں چند لمحے دیکھ لینا ہی کافی ہوتا ہے۔اور اہل علم آنکھوں میں دیکھنے کا بھی محتاج نہیں ہوتا کسی ملاقات کا بھی محتاج نہیں ہوتا اہل علم کو صرف آپ کا نام بتا دیا جائے تو بھی وہ آپ کے متعلق سب کچھ جان جاتا ہے۔

آپ کو یہ جان کر شائد دُکھ ہوگا کہ آپ اپنی شخصیت کے جن اندھیرے حصوں کو چھپاتے ہیں اور ظاہر نہیں ہونے دیتے وہ اہل علم اور اہل دانش ہونے کی شرط کے علاوہ اور بہت سے لوگ بھی جانتے ہوتے ہیں جن میں آپ کے ماں باپ سر فہرست ہیں۔

اب آپ کے ذہن میں جو پہلا معصومانہ سوال اُٹھے گا وہ یہی ہوگا کہ یہ لوگ آپ کی پرائیویسی کا خیال کیوں نہیں رکھتے بغیر بتائے کیوں سب کچھ جانتے ہیں؟۔ اس سوال کا تلخ جواب یہ ہے کہ بحثیت انسان دنیا میں آپ قید کاٹنے آئے ہوئے ہیں اور دو فرشتے تو ہر وقت دائیں اور بائیں کاندھے پر آپ کے ساتھ رہتے ہیں لحاظہ سمجھ جائیں کے ایک قیدی کی کوئی پرائیویسی نہیں ہوتی ۔

اس پوسٹ میں ہم اہل علم کی ہاتھ کی انگلیوں پر ناخنوں کی ساخت سے جڑی شخصیت کے رازوں سے پردہ اُٹھاتی چند پیش گوئیوں کو شامل کریں گے جنہیں پڑھ کر حیران مت ہوئیے گا کیوں کے یہ بات تو آپ سمجھ ہی چکے ہیں کے قیدیوں کی پرائیویسی نہیں ہوتی ۔

1.چوڑے چکور اور لمبے ناخن

طبعیت کے انتہائی تحمل مزاج یہ لوگ کا م کو باتوں کی بجائے عملی طور پر کرنا پسند کرتے ہیں اور عام طور پر کھلے دل والے اور سخی ہوتے ہیں اور اپنی زندگی کو ایک خاص نقطہ نظر سے گُزارتے ہیں ، ان کے اندر پیدائشی طور پر قائدانہ صلاحیتیں موجود ہوتی ہیں جن کی بدولت یہ اپنے اردگرد کے لوگوں جہاں رہنمائی کرتے ہیں وہاں ان کے لیے انتہائی مدد گار ثابت ہوتے ہیں، یہ لوگ محبت کرنے والے ہوتے ہیں لیکن محبت کرنے کا ان کا اپنا ایک انداز ہوتا ہے جو کبھی کبھار دوسروں کو سمجھ نہیں آتا۔

2. چھوٹے اور چکور ناخن

اس ناخن کے حامل افراد زمانہ ساز اور انتہائی چالاک ہوتے ہیں ، حسد ، کینہ ، اور غصہ عام لوگوں کی نسبت ان پر زیادہ جلدی ہاوی ہوتا ہے اور اگر یہ ان چیزوں کا شکار بن جائیں تو یہ انتہائی خطرناک ثابت ہو سکتے ہیں، عام طور یہ افراد دوسروں کے ساتھ گھل مل کر زندگی گزارنے کے عادی ہوتے ہیں لیکن جب کوئی دوسرا ان کیساتھ پرسنیلٹی کلیش پیدا کرتا ہے تو یہ افراد محبت اور جنگ میں سب جائز ہے کے قول پر عمل کرتے ہیں۔

3.باریک اور لمبے ناخن

اعداد شمار کا درست حساب رکھنے واے اس ناخن کے حامل افراد کے اندر انا کا تناسب دوسرے لوگوں سے زیادہ ہوتا ہے، یہ لوگ اصول پسندانہ زندگی گزارتے ہیں اور اصولوں پر سمجھوتا نہیں کرتے چاہے سر کٹانا پڑ جائے، دولت اور آسائش کے دلدادہ یہ افراد سب کی توجہ کا مرکز بنا رہنا پسند کرتے ہیں اور اس توجہ کو حاصل کرنے کے لیے یہ کوئی بھی قیمت ادا کرنے پر تیار ہو جاتے ہیں ، ایسے لوگ عام طور پر فیشن کے دلدادہ ہوتے ہیں اور خواتین میں بہت جلد مقبولیت حاصل کر لیتے ہیں۔

4. شارٹ نیل

جلد باز اور جلد غصے میں آنے والے ایسے ناخنوں کے حامل افراد کمال کے حاضر جواب ہوتے ہیں اور دوسروں سے بہت جلد توقعات وابستہ کر لیتے ہیں جس سے بعد میں تکلیف اُٹھاتے ہیں، عام طور ایسے ناخن کے حامل افراد سازشی نہیں ہوتے اورسازشی عناصر کی ٹھیک سے پہچان بھی نہیں کر پاتے جس کے باعث چالاک لوگ ان سے بہت جلد اپنا فائدہ حاصل کر لیتے ہیں، یہ افراد عام طور پر سوسائٹی میں ایک دوسرے کی مدد کرنے کو بہت بڑی نیکی سمجھتے ہیں اور ایک دوسرے کے مددگار بن کر رہتے ہیں۔

5.بادامی شکل کے ناخن

ایسے ناخن کے حامل افراد طبیعت کے انتہائی نرم مزاج ، لطیف گفتگو کرنے والے اور محبت کرنے والے اور بڑے بڑے خواب دیکھنے والے ہوتے ہیں، یہ افراد اپنی حس لطافت کی وجہ سے اپنے حلقہ احباب میں پہچانے جاتے ہیں اور فنون لطیفہ اور آرٹس کو بہت پسند کرتے ہیں۔

6.تکونی ناخن

فنکارانہ صلاحیتوں سے مالا مال اس ناخن کے حامل افراد انتہائی نازک مزاج اور موڈی ہوتے ہیں ان کا موڈ اس قدر تیزی سے بدلتا ہے کہ عام آدمی کو شک ہوجاتا ہے کہ یہ پاگل ہیں لیکن اپنی ایک علیحدہ سوچ اور فکر رکھنے والے یہ لوگ انتہائی محبت کرنے والے واقع ہوتے ہیں اور بہت جلد سب میں اپنی پہچان بنا لیتے ہیں۔